शैक्षिक जीवनका अनुभवहरु (२३ )

२०७१ चैत २४ बुधवार

केही महिला शिक्षक किन तुरुन्त उठेर कक्षामा जान सक्दैनन् ?

अनुभव नं. २२ मा घंटी लाग्नासाथ शिक्षकहरु कक्षामा जानु पर्नेबारे छलफल ग-यौं । तर केही महिला शिक्षक मित्रहरुलाई यसो गर्न नसक्ने समस्या हुन्छ । यो प्रायः ऊनीहरुको कम्मर र त्यस मुनि पीडा खप्नु पर्ने शारीरिक कारणले गर्दा हुन सक्छ ।उमेर छिप्पिएका, menopause अर्थात मासिक धर्म निवृत्त समय प्रवेश गरिसकेका, घुंडा दुखाइ पीडा भएका आदि कारण भएकाहरुलाई यो समस्या आउँछ ।कोही आफ्नो समस्या भन्छन् त कोही मौन सही रहेका हुन्छन् । विद्यालयमा प्रशासन चलाउनेहरुले यो कठीनाइ बुझ्नु पर्ने वा महसूस गर्नु पर्ने हुन्छ ।

शैक्षिक जीवनका अनुभवहरु (२२ )

२०७१ चैत २३ मंगलवार

घंटी शिक्षककोनिमित्त लाग्दछ विद्यार्थीकोलागि होइन ।

विद्यालयमा ४० वा ४५ मिनटको फरकमा घंटी लाग्दछ । तुरुन्तै कक्षामा प्रस्थान गर्नु शिक्षकको कर्तव्य हो । घंटी लाग्नासाथ  कक्षामा शिक्षकहरु जाँदैनन् भन्ने अभिव्यक्ति प्रधानाध्यापकहरु दिने गर्दछन् । शिक्षकले बुझ्नु पर्ने कुरा के हो भने “घंटी मुख्यत: शिक्षककोनिमित्त लाग्दछ विद्यार्थीकोलागि होइन ।”