गजल
होली
रात्तिएकैमा मात्तिएर रंग घोल्यौ कि क्या हो ?
ऊन्मत्त जोवन पोखिनै लाग्यो कि क्या हो ?

सातै रंग पोतिएको मुहार हेरेनौ कि क्या हो ?
चुलबुले ओंठले मलाई निम्ता दियौ कि क्या हो ?

टप्प टप्प रंग चुहुंदा केही तरंग चलेन कि क्या हो ?
हलचल मचाउने जोवन थाम्नै सकेनौ कि क्या हो ?

भुलेर तिक्तता पीरति साँच्न लाग्यौ कि क्या हो ?
रंगै रंगको पर्वमा माया पलायो कि क्या हो ?

बसन्त पर्वमा खुसी साटा साट गर्यौ कि क्या हो ?
दिन ढलेकै पत्तो भएन रंगमा भंग मिलायौ कि क्या हो ?

( फागू पूर्णिमा २०७०/१२/२ अपरान्ह ४:१४ )