नेतासंग

नेतासंग

कति किलोको माला लाउनु भो ?
कति किलोको गाली खानु भो ?
ढाँटको खेती गर्दै कति सपना बाँड्नु भो ?
नेपाली जनतामा कति विपना बाँड्नु भो ?

कति वैठकका वैठक बस्नु भो ?
कति सट्टा पट्टा, कति भत्ता खानु भो ?
कति पाथी चिल्ला कुरा गर्नु भो ?
जाँको तैं जनता, तपाई कति माथि पुग्नु भो ?

समता,समावेसी, सहभागीको कति नारा चर्काउनु भो ?
जात भात धर्म भाँडी,कति धार्नी डलर झार्नु भो ?
दलबाट दल फुटाइ कति दल जन्माउनु भो ?
पुगेन भाग मेरो भन्दै, सधैं ठूलो भाग खोज्नु भो ?

वाल वनिता बृद्ध बृद्धा कति बेसहारा पार्नु भो ?
गाम वेसीमा आमाका कति छोरा वलिदान गर्नु भो ?
व्यवस्था बदल्न कति जन युद्ध लड्नु भो ?
धन युद्धमा कति कुवाँ पुर्नु भो ?

झुठको पापड बेली बेली,
जनताको कति झापड खानु भो ?
कति किलोको माला लाउनु भो ?
कति किलोको गाली खानु भो ?
– ( २०७१ पुस २२ मंगलवार )

लहै बरै लहै

लहै बरै लहै

भोक लाग्दा मकै,
तीर्खा लाग्दा मोही,
जवानीमा पोइ ,
लहै बरै लहै ।

मंसीरमा लगन
युवा पीढि मगन
नवांगीको सगुन
लहै बरै लहै ।

स्याउझैं गाला
पहाडकी वाला
हरिणको चाला
लहै बरै लहै ।

धेरै रोज्ने केटी
बुढी कन्ये भई
बुढो पोइ भेटी
लहै बरै लहै ।

फागुनमा होली
तीजमा चोली
भुलाउने बोली
लहै बरै लहै ।

फूलमा माहुरीको भुन-भुन
मोबाइलमा ठिटा-ठिटी गुन-गुन
पोखरामा हनीमून
लहै बरै लहै ।
-(२०७० चैत ११ )